Մեծ Բրիտանիայի ծայրահեղ կարևոր ենթակառուցվածքները հաքերային հարձակման են ենթարկվել Ռուսաստանի Դաշնության Զինված ուժերի Գլխավոր շտաբի կողմից: Նման հայտարարություն է արել The Daily Telegraph-ը՝ վկայակոչելով բրիտանական կառավարության աղբյուրները:
Հրապարակման համաձայն՝ ռուսական հատուկ ծառայությունների հարձակումների թիրախում եղել են բրիտանական էներգետիկ ցանցերը, հեռահաղորդակցման համակարգերը և մեդիա կազմակերպությունները:
Հիշեցնենք, որ Cybersecurity ազգային կենտրոնի (NCSC) ղեկավար Կիրան Մարտինը անցյալ տարի պնդում էր, որ 2016 թվականին այս կազմակերպության հիմնադրումից ի վեր Ռուսաստանը բազմիցս կիբեր հարձակումներ է իրականացրել Միացյալ Թագավորության ենթակառուցվածքների վրա:
