Այսօր՝ սեպտեմբերի 6-ին Ազգային ժողովում հրավիրվել է արտահերթ նստաշրջան, որի օրակարգում ընտրախախտումների համար պատիժների խստացման հարցն է:
Ինչպես հայտարարեց «Ծառուկյան» խմբակցության պատգամավոր Գևորգ Պետրոսյանը՝ չկա մեկը, որ դեմ չլինի ընտրակաշառքին. «Բայց չի կարելի, ինչպես ժողովրդական ասույթն է ասում, ջրից ելնել՝ կրակն ընկնել: Իսկապես կա նպատակը՝ ընտրությունները զերծ պահել նման միջամտություններից, բայց չի կարելի այդ զերծ պահելը անել ավելի կարևոր շահեր ոտնահարելու հաշվին»:
Նրա խոսքով՝ այս կարգավորումը ուղղակիորեն սպառնում է քաղաքացու շահերին. «Մի՞թե սա ճիշտ վարչարարություն է, մի՞թե ճիշտ քրեական քաղաքականություն է պետության կողմից, ընդ որում՝ բավականին էլ ազդեցիկ սանկցիա է նախատեսվում. եթե չեմ սխալվում՝ մարդուն 3 տարվա ազատազրկում է սպառնում ընդամենը նրա համար, որ նա խոստացել է կողմ քվեարկել»:
Մանրամասները՝ տեսանյութում:
