ՀՀ Գյուղատնտեսության նախարար Արթուր Խաչատրյանը օրեր առաջ, ամփոփելով իր պաշտոնավարման 100 օրը, ի թիվս այլ հայտարարությունների, նաև հայտարարել է, որ իրենց ձեռքբերումներից է այն, որ մի քանի տարվա ընդմիջումից հետո հնրավորություն են ստացել Արաբական միացյալ էմիրություններ արտահանել կենդանի ոչխար։
Այդ հայտարարությունից հետո մեզ հետ զրույցում գործարար Գրիգոր Տեր-Ղազարյանը պաշտոնապես հայտարարեց, որ երկու տարի է ինչ Հայաստանից արտահանում իրականացվում է, այդ շուկան իրենք են բացել մեծ դժվարությամբ և գումարների շնորհիվ և որ դա 100 օրում հնարավոր չէր անել։
Այս առնչությամբ նախարար Խաչատրյանը նշեց, որ իրենք ևս զուգահեռ աշխտել են, ջանքերի համադրում, ոչ թե հակադրում է եղել և իրենք անհատականացված բոլորի ջանքերը գնահատում են։
«Մենք նույնպես զուգահեռ աշխատել ենք, ջանքերի համադրման խնդիր է գալիս, ոչ թե հկադրման։ Անհատականացված բոլորի ջանքերը մենք գնահատում ենք։ Իսկ այդ 1320 գլուխը, որի մասին ես հայտարարել եմ, իրենց հետ խոսել եմ, իրենք ասել են մեկ ուրիշ գործարար արդեն արտահանել է։ Անուն չեմ ուզում ասել, բայց ինքը 11320 գլխի համար եկել էր, մեզ դիմել էր, որովհետև Արաբական միացյալ էմիրություններից 3 տեսակ հետազոտություն էին ուզել, մենք աջակցել ենք, բերել ենք դեղորայքը, որպեսզի վստահ լինենք, որ այդ կենդանի կենդանիներն անխոցելի լինեն։ Եթե դրանց մեջ թեկուզ մեկ գրիպով հիվանդ գառ լիներ, շուկան 5 տարով կրկին կփակվի։ Ես ոչ մեկի դափնիները չեմ ցանկանում ինձ վերագրել։ Ինքն էլ է ջանք թափել, ուրիշներն էլ, դեսպանատներն է, պետությունն է»,- մանրամասնեց նախարարը։
Վերջինիս տեղեկացմամբ՝ 320 գլուխ կենդանու հետազոտությունը ձգձգվում է, արտահանում չի իրականացվել։ Խաչատրյանի վստահեցմամբ՝ թե նախարարությունում, թե տեսչական մարմնում կա այն գիտակցումը, որ այս ոլորտը շատ կարևոր ռազմավարական նշանակություն ունի Հայաստանի համար։ «Որ ասում են՝ մի քոսոտ ոչխար ամեն ինչ հարամում է, սաղ հոտը վարակում է, այ դա է՝ արդեն բառացիորեն մի քոսոտ ոչխարը կարող է արտահանումների խնդիրը լուծել»։
Մանրամասները՝ տեսանյութում
