Հոլիվուդյան գեղեցկուհիներ Անջելինա Ջոլիի և Ամալ Քլունիի բարդ հարաբերությունների մասին վաղուց է հայտնի։ Սակայն վերջերս նրանց թշնամանքը նոր մակարդակի է բարձրացել։
Անջելինան ու Ամալը միշտ փորձել են խուսափել միմյանց ընկերակցությունից, և դա հեշտ չէր, քանի որ Բրեդ Փիթն ու Ջորջ Քլունին մտերիմ ընկերներ են։ Թվում էր, թե Ջոլիի և Փիթի ապահարզանից հետո երկու գեղեցկուհիներն էլ թեթևացած շունչ կքաշեն, սակայն պարզվում է, որ այնքան էլ այդպես չէ։
Ամալ Քլունին իր պարտքն է համարել պաշտպանել Բրեդ Փիթին։ Նա նրա նախկին կնոջը աննորմալ է անվանել, քանի որ նա փորձում էր նախկին ամուսնուն արգելել տեսնել երեխաներին։ Անջելինա Ջոլին պարտքի տակ չի մնացել և Ամալի համար մականուն է հորինել՝ Պլուս մեկ։ Այդպիսով դերասանուհին ակնարկել է, որ իր հակառակորդը երբեք հայտնի չէր դառնա առանց իր ամուսնու։
Դրանից հետո գեղեցկուհիների սառը պատերազմն ավելի բուռն փուլ է թևակոխել։ Ինչպես հաղորդում է The Sun–ը՝ աղջիկները ստիպում են ընկերներին և նույնիսկ ոճաբաններին ընտրել, թե ում կողմից են իրենք։ Նրանք նաև ուշադիր հետևում են մեկը մյուսի հասարակական գործունեությանը և մրցակցում են նույնիսկ բարեգործության մեջ։ Թե ով կհաղթի այս պատերազմում, ցույց կտա ժամանակը։
