Քիմ Քարդաշյանը սպիտակ բիկինիով հայտնվել է Us Weekly ամսագրի նոր համարի շապիկին: Վերնագիրն ասում է. «Ես վերադարձել եմ նախկին չափսերին` առանց պրոցեդուրաների և վիրահատությունների»:
33-ամյա Քիմը սպիտակ լողազգեստով լուսանկարվել է նոյեմբերի 30-ին: Ծննդաբերությունից կես տարի անց նրան հաջողվել է նիհարել 25 կիլոգրամով:
Ամսագրի աղբյուրն ասում է. «Քիմը կրկին ինքնավստահ է: Նա իրոք շատ է իր մարմնի վրա աշխատում»:
Ավելի վաղ Քարդաշյանը բացահայտել է Ատկինսի դիետայի գաղտնիքները, որը ածխաջրածինների խիստ սահմանափակում է ենթադրում: Ավելի ճիշտ՝ դրանք արգելված են: Երևում է, որ երիկամների վրա դրա վատ ազդեցության մասին բժիշկների խորհուրդները նրան չեն վախեցրել:
Դրանից բացի, Քարդաշյանը գրեթե ամեն օր ֆիթնեսով է զբաղվում:
Մինչդեռ Քիմը դեռ ամբողջովին իր չափսերից գոհ չէ. նրա նպատակը զրոյական չափսն է: Դեկտեմբերի սկզբին Քիմին մոտ կանգնած աղբյուրը Now ամսագրին տեղեկացրել է, որ նա օրական 1000 կալորիա է օգտագործում և կանաչ թեյ է խմում: Քիմն ամեն օր ժամը հինգին է արթնանում, որպեսզի սկսի մարզումները: Դրա հետ մեկտեղ ցերեկները մեկ ժամ էլ ֆիթնեսով է զբաղվում:
Նշենք, որ կամքի մեծ ուժ ունեցող Քարդաշյանը նույն ռեժիմն է պահել նույնիսկ Քանյե Ուեսթի Yeezus Tour համերգային շրջագայության ժամանակ: «Քիմը շրջագայությունների ժամանակ իր հետ մարզիչ, խոհարար էր տարել, որպեսզի ածխաջրածիններից զուրկ սնունդ պատրաստի: Իհարկե օրեր կան, երբ նա կարող է իրեն թույլ տալ թուլանալ և ինչ-որ արգելված բան ուտել»,- պատմել է աղբյուրը:
