Եվրամիությունը կարծում է, որ ուրանի հարստացման նպատակով հզորությունները մեծացնելու Իրանի որոշումը չի խախտում Համատեղ համապարփակ գործողությունների ծրագիրը, բայց նաև չի նպաստում Թեհրանի նկատմամբ վստահության ամրապնդմանը։ Այս մասին հաղորդում է «ՌԻԱ Նովոստի»-ն՝ վկայակոչելով ԵՄ ներկայացուցչին։
«Առաջին հայացքից հայտարարված քայլերը միջուկային գործարքի խախտում չեն։ Սակայն այս ճգնաժամային պահին նրանք չեն նպաստի իրանական միջուկային ծրագրի բնույթի նկատմամբ վստահություն կառուցելուն»,-ասել է գործակալության զրուցակիցը։
Նա ընդգծել է, որ Եվրամիությունն ակնկալում է, որ Իրանը կկատարի ՀՀԳԾ-ի հետ կապված իր բոլոր պարտավորվածությունները, իսկ ԱԷՄԳ-ն կշարունակի վերահսկել գործընթացը։
