«Հրապարակ» օրաթերթը գրում է, որ օրերս Տավուշի երիտասարդները բաց նամակով դիմել են Սերժ Սարգսյանին` Բերդի տարածաշրջանի ճանապահների հարցով, որոնք ռմբակոծման հետևանքով անմխիթար վիճակում են:
Երիտասարդներն ասել են` դուք չեք անում, մենք կանենք, ինչն իր հերթին կարող է նշանակել նոր «բունտի» օջախ: Ի դեպ, ժամանակ առաջ այդ «կողմերում» էր տարածքային կառավարման նախարար Արմեն Գեւորգյանը, ով Տավուշի 17 գյուղապետերին և այլ ներկայացուցիչների էր հանդիպել:
Պարզվել է` անհրաժեշտ է եղել 10 միլիոն դոլար, ինչն առասպելական թիվ է «կուտակայինի» հույսին մնացած կառավարության համար: Արմեն Գևորգյանն առաջարկել է կոսմետիկ լուծումներ գտնել` քիչ-միչ անցանելի դարձնելով ճանապարհները, ինչն առաջացրել է գյուղացիների վրդովմունքը:
Մասնակիցներից մեկն ասել է. «Բոլորով բոյկոտինք Արմեն Գևորգյանին, ջղայնացանք-դուրս եկանք»:
