Ուկրաինական «Բատկիվշչինա» կուսակցության անդամ Սերգեյ Պաշինսկին հայտարարել է, որ ընդդիմությունը պահանջում է 48 ժամվա ընթացքում ցրել Նիկոլայ Ազարովի կառավարությունը, հաղորդում է «Украинская правда»-ն:
«Յանուկովիչ, մենք քեզ 48 ժամ ենք տալիս: Եթե այդ ընթացքում Զախարչենկոն չձերբակալվի, Ազարովի կառավարությունը պաշտոնաթող չլինի, քաղբանտարկյալները ազատ չարձակվեն, մենք կշարժվենք Մեժգորյե (Ուկրաինայի նախագահ Վիկտոր Յանուկովիչի նստավայրը՝ «Газета.Ru»)»,- հայտարարել է ընդդիմադիր գործիչը:
Նա մեկ անգամ ևս ընդգծել է, որ կիրակի օրը ցուցարարները պատրաստվում են արգելափակել նախագահի աշխատակազմի և կառավարության շենքերը:
Ավելի վաղ ԶԼՄ-ներում տեղեկատվություն էր հայտնվել, որ ուկրաինական ընդդիմությունը արդեն սկսել է ապագա կառավարությունում բաժանել դերերը:
