Հայ իրավաբանների միության տարեկան համաժողովին, որն օրերս տեղի ունեցավ Արցախում, մասնակցում էր նաև Հայերի իրավունքների պաշտպանության կոմիտեի համաատենապետ Կարո Ղազարյանը: «Առաջին լրատվական»- ի հետ զրույցում նա կարծիք հայտնեց, որ Արցախում մարդու իրավունքների պաշտպանությունը գերազանց հիմք ունի, և այնտեղ այդ ուղղությամբ աշխատում են շատ հմուտ կերպով: «Հաճախ խորհում ենք, որ Արցախը մեր օգնության կարիքն ունի, բայց մենք էլ Արցախի օրինակին հետևելու կարիքն ունենք: Եվ այդ իսկ պատճառով է, որ մեր հանդիպումները նամանավանդ Արցախի ԱԳՆ-ի, Գլխավոր դատախազի գրասենյակի, Գերագույն դատարանի հետ համագործակցության հանգամանք են ստացել»:
Միջադեպի առնչությամբ, որը տեղի էր ունեցել տարիներ առաջ, երբ «Հիմնադիր խորհրդարանի ավտոշարասյունը գնում էր Ստեփանակերտ, Կ. Ղազարյանը նշեց. «Դա ես կվերագրեմ ընդհանուր հայկական աշխարհին, բոլորս էլ մեղավոր ենք: Ճիշտ դրևսորում պետք է լինի, եթե մենք խոսում ենք առաջխաղացման, ինքնորոշման վերաբերյալ»:
Մեր զրուցակցի գնահատմամբ՝ այն, ինչ տեղի ունեցավ վերջին շրջանում, համաօրինական է:
«Մարդիկ արդեն մի քիչ ավելի անկաշկանդ են՝ անելու այն, ինչն ավելի ճիշտ է և արդար»,- նշեց Կ. Ղազարյանը՝ անդրադառնալով այն փաստին, որ դատավորը, ով մի քանի անգամ մերժում էր Կարո Եղնուկյանի խափանման միջոցը փոխելու վերաբերյալ միջնորդությունը, վերջերս փոխեց նրա խափանման միջոցը:
Անդրադառնալով հարցին, թե չափազանցված չէ արդյոք այն, որ Ժիրայր Սեֆիլյանը, ըստ դատարանի վճռի՝ 10 տարի 6 ամիս պատիժ պետք է կրի՝ Կ. Զազարյանը նշեց. «Պատրաստ ենք գործի մանրամասներին ծանոթանալ և դրանից հետո միայն գնահատական կտանք»:
Դիտարկմանը, որ կան ժողովրդական հուզումներ, ժողովուրդը պահանջում է արդարացի մոտեցում՝ Կարո Ղազարյանն արձագանքեց. «Ես համաձայն եմ ժողովրդի ձայնին, Հայ իրավաբանների միությունը հետաքրքրված է այդ հարցով: Սակայն մինչև օրս այս նոր կառավարությունը սխալ չի գործել՝ իրավական տեսանկյունից»: Մեր զրուցակիցը նաև ընդգծեց, որ այս նոր զարթոնքը չպետք է կրկնի առաջին հանրապետության սխալները:
Հայերի իրավունքների պաշտպանության կոմիտեի համաատենապետը կարծիք հայտնեց, որ «Սասնա ծռերի» խափանման միջոցը պետք է փոխվի. «Իբրև քրեական իրավապաշտպան, ես համամիտ եմ, որ խափանման միջոցները փոխվեն. նրանք չեն խոչընդոտելու դատաքննությունը, չեն «թռնելու» երկրից և վնաս չեն պատճառելու ժողովրդին»:
Մանրամասն՝ տեսանյութում:
