Հավայան շելֆում Երկրորդ աշխարհամարտի տարիների ճապոնական սուզանավ է հայտնաբերվել՝ հայտնում է Reuters գործակալությունը՝ հղում անելով Մանաոայի Հավայան համալսարանի գիտնականների հայտարարությանը:
Հետազոտողները հայտնել են, որ սուզանավը հայտնաբերվել է օվկիանոսի ընդերքում՝ 700 մետր խորության վրա՝ արշիպելագի մեծությամբ երրորդ Օհաու կղզու հարավարևմտյան հատվածում: Ճապոնական «տեխնիկական հրաշքը» կորած էր համարվում 1946 թվականից:
Հայտնաբերված սուզանավը հանդիսանում է «Սենտոկու» տեսակի ներկայացուցիչ, որոնց երկարությունը հասել է 122 մետրի: Դրանք եղել են Երկրորդ համաշխարհային պատերազմի տարիների խոշորագույն դիզելա-էլեկտրական սուզանավերը և այդպիսին մնացել մինչ ատոմային սուզանավերի ի հայտ գալը:
I-400 գործարանային համարով սուզանավը կրել է ծալովի թևերով երեք ռմբակոծիչ օդանավեր: Աշխարհամարտի վերջին ԱՄՆ ՌԾՈւ-ն զավթած ճապոնական 5 սուզանավերը, այդ թվում I-400-ը, ուսումնասիրությունների նպատակով տեղափոխել էր Փերլ Հարբոր՝ հայտնում են հետազոտողները: ԱՄՆ-ն օվկիանոսի ընդերք է իջեցրել դրանք՝ ասելով, որ որևէ տեղեկություն չունի դրանց գտնվելու հստակ վայրի մասին, հավանաբար, որպեսզի կանխի նորագույն տեխնոլոգիաների հայտնվելը ԽՍՀՄ ձեռքում, որը Ճապոնիայի սուզանավերի վերադարձ էր պահանջում:
