«Մեզ մոտ սահմանադրական կազուս է, երբ Սահմանադրությունը լուծում չի տալիս, և գոնե այս երկրում աննախադեպ իրավիճակ է»,- «Հայաստանը թավշյա հեղափոխությունից հետո» թեմայով ՄԱՀՀԻ քննարկմանը նշեց միջազգային հարցերով փորձագետ Հովհաննես Իգիթյանը՝ այսօրվա իրավիճակը համեմատելով ԽՍՀՄ-ի հետ, որն ուներ սահմանադրորեն իրավունք ունեցող իշխող կուսակցություն՝ Կոմկուսը:
Հովհաննես Իգիթյանի խոսքով՝ այս իրավիճակը ստեղծվել է Սերժ Սարգսյանի՝ ոչ լեգիտիմ նախագահ լինելու բարդույթների պատճառով. «Ընդ որում, այդ բարդույթն ունեին մեր բոլոր 3 նախագահները՝ Լևոն Տեր-Պետրոսյանն էլ 96 թվականից հետո»:
Բանախոսը շատ կարևորեց միջազգային պոզիտիվ արձագանքը. «Լավ, այս մարտահրավերը իշխանությունները ինչպե՞ս լեգիտիմ ձևով կբերեն այն մակարդակին, որ ամբողջ աշխարհը հասկանա, որ իշխանությունն ու Հայաստանի ժողովուրդը համապատասխան մակարդակի վրա են: ՀՀԿ-ն նույնիսկ այս իրավիճակում կարողացավ մի փոքր կեղտ մտցնել մեղրի մեջ և մի քիչ փչացնել այս ամենը»:
«Մենք ունենք կազուսի շարունակություն: ՀՀԿ-ն 80 մլն դոլարով գնել է այդ իրավունքը, և ցավոք, այսօր խորհրդարանում քաղաքական դաշտը չի ձևավորվել: Այս խաղերով պետություն չեն կառուցում»,- ասաց նա՝ հավելելով, որ ուզենք, թե ոչ՝ պետք է վերադառնանք կիսանախագահական համակարգին:
Մանրամասները՝ տեսանյութում:
