«Հայաստանը թավշյա հեղափոխությունից հետո» թեմայով ՄԱՀՀԻ քննարկմանը լեզվաբան Նարինե Դիլբարյանը նկատեց, որ ինչպես ինքը՝ Նիկոլ Փաշինյանն էլ հայտարարել է, այս կառավարությունը ժամանակավոր է, ուստի ոչ միայն պատեհ չէ խոսել Նիկոլ Փաշինյանի կառավարության գլոբալ արտաքին և ներքին քաղաքականության մասին, այլև դա հակասում է ժամանակի տրամաբանությանը:
Բանախոսի համոզմամբ՝ հեղափոխության առաջնորդ Նիկոլ Փաշինյանի կառավարության առաջնային մարտահրավերը ազատ, արդար և հատկապես ժողովրդավարական Ընտրական օրենսգրքի վրա հիմնված ընտրություններն են: «Ես համոզված եմ, որ Փաշինյանի կառավարությունը, լինելով փոքրամասնության կառաավրություն, խորհրդարանում մեծ դժվարության է բախվելու ԸՕ-ն փոխելու և ընդհանրապես մեր պետությունը ժողովրդավարացնելու ճանապարհի»,- ասաց նա՝ հավելելով, որ այս դեպքում պետք է գործի բանակցային մեթոդը:
Նրա խոսքով՝ երկրորդ կարևոր խնդիրը կառավարության կազմի հրապարակումն է. «Ավելի լավ է առաջնություն տալ տեխնոկրատներին, այսինքն՝ ոչ բուռն կուսակցականներին»:
Մանրամասները՝ տեսանյութում: