ԱՄՆ պաշտպանության նախարար Չակ Հեյգելն իր եգիպտացի գործընկեր Աբդել Ֆաթահ Աս-Սիսիի հետ քննարկել է Մերձավոր Արևելքում անվտանգության և երկրի ներքաղաքական կյանքի հարցերը, գրում է ITAR-TASS-ը:
Նախ Հեյգելն Աս-Սիսիին ցավակցել է անցյալ շաբաթ Սինայի թերակղզում եգիպտացի զինծառայողների մահվան առիթով և նրան շնորհակալություն է հայտնել «Կահիրեի՝ Սինայում ահաբեկչության դեմ պայքարի համար ներդրված անդադար ջանքերի համար»:
Պենտագոնի ղեկավարն «ԱՄՆ-ի անհանագստությունն է հայտնել վերջերս ուժի մեջ մտած օրենքի կապակցությամբ, որը սահմանափակում է ցույցերի ու բողոքների ակցիաների անցկացումը», ինչպես նաև իշխանությունների կողմից աղջիկների խմբի և քաղաքական ակտիվիստների ձերբակալության առիթով:
Հեյգելը նշել է, որ երկրի բնակչության կողմից սեփական հայացքներն ազատորեն արտահայտելուն Կահիրեի պատասխանը «ցույց կտա ժամանակավոր կառավարության կողմ լինելը ոչ բռնի, ինկլյուզիվ և կայուն ժողովրդավարական անցմանը» ժողովրդի ընտրած իշխանությանը:
Նրա խոսքով՝ Հեյգելն ու Աս-Սիսին խոսել են նաև Եգիպտոսի նոր Սահմանադրության մշակման ընթացքի և հանրաքվեի անցկացման ծրագրերի մասին: Նախարարները նաև քննարկել են «ահաբեկչության դեմ պայքարի, սահմանային հսկողության ապահովման և ծովում անվտանգության» հարցերը, իրավիճակը տարածաշրջանում, ներառյալ՝ «Սիրիան և Իրանը»:
