Ռումինիայի արտգործնախարար Տիտուս Կորլեցյանը «վնասակար և անպատշաճ» է անվանել երկրի նախագահ Տրայան Բեսեսկուի հայտարարությունը Մոլդովայի հետ միավորման հասնելու անհրաժեշտության մասին:
Այդպես է նա մեկնաբնել Ռումինիայի նախագահի հայտարարությունը, ով ավելի վաղ ասել էր, թե ՆԱՏՕ-ին և ԵՄ-ին միանալուց հետո Ռումինիայի հաջորդ առաջնահերթ նախագիծը Մոլդովայի հետ միավորումն է:
«Նման հայտարարությունները չեն օգնում, այլ հակառակը՝ վնասում են՝ խոչընդոտներ ու դժվարություններ ստեղծելով Մոլդովայի եվրաինտեգրման ճանապարհին»,- Կորլեցյանի խոսքերն է մեջբերում ITAR-TASS-ը:
Նախարարը հավելել է, որ այդ ուղղությամբ քրտնաջան աշխատանք է տարվում, և դրան միայն խանգարում են մարդկանց զգացմունքները վիրավորող հայտարարությունները:
