Աֆղանստանի բնակչուհի Սիտարա Վաֆադարը ավելի քան տասը տարի ստիպված է ծնողների կամքով տղա ձևանալ:
18-ամյա Վաֆադարը, որ ապրում է երկրի արևելքում, հինգ քույր ունի, այդ պատճառով էլ ծնողները որոշել են նրան «բաչ-պոշի» վերածել, այսինքն՝ տղամարդու շորեր կրող և տղամարդու պարտականություններ կատարող աղջկա: Աղջկան չեն ստիպել տուն մաքրել կամ ճաշ եփել, փոխարենը նա ութ տարեկանից, շաբաթական վեց օր հոր հետ աշխատել է աղյուսի գործարանում, որպեսզի մարի հոր պարտքերը:
«Ես երբեք չեմ էլ մտածում, թե աղջիկ եմ»,- խոստովանել է Վադաֆարը լրագրողներին: Նրա խոսքերով՝ աշխատողների մեծ մասը չգիտի, որ ինքն աղջիկ է, և ինքը թաքցնում է իր սեռը, որ իրեն չփախցնեն:
Ավանդույթի համաձայն՝ ամուսնանալու տարիքին հասնելուն պես աղջիկը կարող է հրաժարվել տղայի պարտականություններ կատարելուց: Սակայն նա չի ուզում դա անել, որպեսզի վտանգի տակ չդնի իր 13 տարեկան քրոջը և նա էլ չարժանանա իր ճակատագրին:
«Բաչ-պոշի» ավանդույթը տարածված է Աֆղանստանում և Պակիստանում: Շատերը հասուն տարիքում դժվարությունների են բախվում, քանի որ նրանց համար դժվար է լինում՝ կանանց նկատմամբ կրոնական սահմանափակումներին համակերպվելը:
