Գերմանիայի պաշտպանության նախարարությունը 2018 թվականին 18 խոշոր ռազմական պատվեր է նախատեսում։ Այս մասին հաղորդում է Handelsblatt–ը, որի տնօրինության տակ են հայտնվել պայմանագրերը։
Մասնավորապես, բունդեսվեհրը նախատեսում է ինը տարով իսրայելական անօդաչու Heron TP վարձակալել։ Միայն այս պայմանագրի արժեքը մոտ մեկ միլիարդ եվրո է կազմում։
Բացի այդ, Գերմանիան պատրաստվում է յոթ նոր ուղղաթիռ պատվիրել՝ փրկարարական–որոնողական ծառայության համար, վեց տրանսպորտային Hercules C-130 տիպի ինքնաթիռ և 18 MARS II հրթիռային համակարգ։
Պարբերականը նշում է, որ սա միայն նախնական ցանկն է։ Վերջնական որոշումը կախված կլինի 2018 թվականի բյուջեի մասին օրենքի ընդունումից։
