Թուրքիայում նախագահ Աբդուլլահ Գյուլի վրա հարձակման փորձ է կանխվել: Այս մասին հայտնում է Sabah թերթը:
Թերթի տեղեկություններով՝ այսօր առավոտյան անհայտ անձը գնացել է նախագահի նստավայր (Չանքայա քյոշքյու) և անվտանգության ծառայությանը փոխանցել գրպանում եղած գումարը՝ պարզաբանելով, որ դա ծածկագիր է, և որը գիտի միայն Աբդուլլահ Գյուլը:
Նախագահի հետ հանդիպում պահանջող անձի պայուսակի զննությամբ հայտնաբերվել է ատրճանակ: Հարցաքննության ժամանակ ձերբակալվածն ասել է, որ ցանկացել է սպանել նախագահին: Նա նշել է նաև, որ ցանկանում էր հանդիպման ժամանակ նրա առջև դնել ատրճանակն ու ասել, որ միշտ պատրաստ է ծառայելու հայրենիքին և պետության ղեկավարին: Նա հավելել է, որ պարզապես ցանկացել է կրկնել «Գայլերի հովիտ» թուրքական հեռուստասերիալի կադրը:
