13-ամյա տղան և սիրողական–հնեաբանը Գերմանիայում գանձ են գտել, որը, հնարավոր է, պատկանել է դանիական թագավոր Հարալդ Կապույտատամին, ով քրիստոնեությունը տարածել է Դանիայում։
Ռենե Շոնը և նրա աշակերտը՝ Լուկա Մալաշնիչենկոն մետաղաորսիչների օգնությամբ գանձեր են փնտրել՝ Ռյուգեն կղզու հյուսիսում, երբ պատահաբար հայտնաբերել են այն, ինչը սկզբում ալյումինի անպետք կտոր է թվացել։ Սակայն ավելի ուշադիր զննելու դեպքում նրանք հասկացել են, որ դա արծաթ է,– գրում են գերմանական ԶԼՄ–ները։
Անցած ազատ օրերին տարածքային հնեաբանական ծառայությունը սկսել է 400 քմ մակերեսով տարածքի պեղումները։ Նրանք գանձ են գտել, որը, ինչպես ենթադրում են, կապված է դանիացի թագավոր Հարալդ Կապույտատամի հետ, ավելի հայտնի որպես «Հարի Կապույտատամ», ով կառավարել է 958-986 թվականներին։
Հայտնաբերվել են հյուսված զարդեր, ճարմանդներ, մատանիներ և մինչև 600 մետաղադրամ։ Ենթադրվում է, որ գանձը թաղվել է 990-ականների վերջերին, երբ Կապույտատամը փախել է Պոմերանիա, որտեղ և մահացել է 987 թվականին։
