«Կարծում եմ, որ Րաֆֆի Հովհաննիսյան քաղաքական գործչի ժամանակներն անցել են, որովհետև բոլոր հնարավոր միջոցներով նա իր վարկանիշը նվազեցրել է հանրության շրջանում»,- «Առաջին լրատվական»-ի հետ զրույցում նշեց Երևանի ավագանու «Ելք» խմբակցության անդամ, «Քաղաքացիական պայմանագիր» կուսակցության վարչության անդամ Արայիկ Հարությունյանը՝ անդրադառնալով ապրիլի 9-ին լրագրողների հետ զրույցում «Ժառանգություն» կուսակցության վարչության անդամ Րաֆֆի Հովհաննիսյանի այն հայտարարությանը, որ ինքը ՀՀ 4-րդ նախագահ Արմեն Սարգսյանին համարում է լեգիտիմ նախագահ։
Ինչպես նշում է Արայիկ Հարությունյանը՝ 2013թ-ի նախագահական ընտրություններին ինքը Րաֆֆի Հովհաննիսյանին չէր ընտրել, սակայն հետընտրական փուլում աջակցել է նրան՝ համարելով, որ Րաֆֆի Հովհաննիսյանը բավարար ձայներ է ստացել և ըստ էության կոնկրետ խախտումներ են եղել, սակայն այդ 40 օրվա ընթացքում Րաֆֆի Հովհաննիսյանից որևէ հստակություն չի տեսել՝ ի տարբերություն «Քաղաքացիական պայմանագրի» գործողությունների, որոնք Հարությունյանի պնդմամբ՝ շատ հստակ են։
Միևնույն ժամանակ մեր զրուցակիցը հավելեց․
«Ես չէի ցանկանա, համենայնդեպս, այս փուլում, երբ որ պետք է հստակ տարանջատում լինի իշխանության և ընդդիմության միջև, ընդդիմադիր դաշտում լուրջ տարաձայնությունների քննարկումների մեջ մտնել․ այո, ինձ համար արտառոց է Րաֆֆի Հովհաննիսյանի և ընդդիմադիր առաջնորդների մասնակցությունը Սերժ Սարգսյանի կողմից կազմակերպված միջոցառմանը (նկատի ունի Արմեն Սարգսյանի երդմնակալության արարողությունը Մարզահամերգային համալիրում- խմբագրական)»։
Մանրամասները՝ տեսանյութում։
