Facebook-ը նախատեսում է ավելացնել Unsend կոճակը՝ բոլոր օգտատերերի հաղորդագրությունների համար։ Այս մասին TechCrunch-ին ասել է ընկերության ներկայացուցիչը։
Նրա խոսքով՝ նրանք, որոնք մեսենջերի կոդավորված տարբերակով գաղտնի հաղորդագրություններ են օգտագործում, թայմերից օգտվելու հնարավորություն ունեն, որի արդյունքում հաղորդագրությունները ջնջվում են օգտատիրոջ նշած ժամին։ Ըստ զրուցակցի՝ ընկերությունը ծրագրում է ընդլայնել հաղորդագրություններ ջնջելու գործառույթը, սակայն դա մի քանի ամիս կտևի։
Ապրիլի 6-ին Facebook-ը հայտնել է, որ ջնջել է սոցկայքի հիմնադիր Մարկ Ցուկերբերգի՝ մյուս օգտատերերի հետ հաղորդագրությունները մեսենջերում՝ ելնելով անվտանգության նկատառումներից։ Սովորական օգտատերերը ևս կարող են ջնջել հաղորդագրությունները, սակայն դրանք մնում են չաթի մյուս մասնակցի կամ մասնակիցների մոտ։
