Washington Post-ի նախկին լրագրողներից Ռոնալդ Քեսլերը գրել է «Թրամփի Սպիտակ տունը․ Խաղի կանոնների փոփոխությունը» գիրքը։ Washington Examiner պարբերականը հայտնում է, որ գրքում գրված է այն մասին, որ Բարաք Օբաման Սպիտակ տան արևմտյան թևի տակ գաղտնի հինգ հարկանի բունքեր է կառուցել՝ միջուկային պատերազմի դեպքում այնտեղ թաքնվելու համար։
Կառուցումը սկսվել է 2010-ին և ավարտվել Օբամայի պաշտոնավարման երկրորդ ժամկետի գրեթե ավարտին։
Գաղտնի բունքերն արժե 376 մլն դոլար։ ԱՄՆ նախագահ ընտրվելուց հետո Դոնալդ Թրամփն այցելել է այնտեղ։
Սպիտակ տան արևելյան հատվածի տակ ևս մեկ բունքեր գոյություն ունի, որը կոչվում է նախագահի արտակարգ գործողությունների կենտրոն։ Երկրի ղեկավարությունն այստեղ է թաքնվել 2001-ի սեպտեմբերի 11-ին ԱՄՆ-ն ցնցած ահաբեկչություններից հետո։
