«Մենք այսօր լուրջ մարտահրավերներ ունենք և այս փաստաթղթի կյանքի կոչվելը հիմնականում միտված է ապագային, այսինքն մենք տեսնում ենք, որ գնալով սրվում են գերտերությունների միջև փոխհարաբերությունները, մենք ապրում ենք մի տարածաշրջանում, որտեղ մեզանից քիչ հեռու բազմաթիվ ռազմական կոնֆլիկտների օջախներ կան, մենք ինքներս Արցախյան պատերազմի մեջ ենք, հետևաբար այս ամենը հաշվի չառնել և չմտածել մեր բանակի արդիականացման մասին, չեմ կարծում , որ ճիշտ կլիներ, քանի որ սա կենսական անհրաժեշտություն ունի և անհնար է առանց այս ծրագրի, որը ծնունդ է առել հենց այս մարտահրավերներից, որպեսզի մենք կարողանանք վաղվա մարտահրավերներին պատրաստ լինել»,- «Առաջին լրատվական»-ի հետ զրույցում նշեց ռազմական փորձագետ Արթուր Եղիազարյանը՝ անդրադառնալով ՀՀ ԶՈՒ արդիականացման 7-ամյա ծրագրի հրապարկված հայեցակարգին։
Արթուր Եղիազարյանի կարծիքով՝ արդիականացման այս ծրագիրն իր բնույթով ռազմավարական ուղեցույց է , որից պետք է բխեն նաև այլ փաստաթղթերի, այլ ծրագրերի իրականացումը, ինչպես նաև սա ազդելու է կառավարության և կարճաժամկետ և երկարաժամկետ ծրագրերի իրագործման վրա։
Հարցին՝ ի՞նչ երաշխիք կա, որ արդիականացման այս ծրագիրը կարող է իսկապես կյանքի կոչվել և չմնալ զուտ միայն որպես թղթի վրա ամրագրված դրույթներ, Եղիազարյանը պատասխանեց․
«Այդ վստահությունը, որ այս ծրագիրը կիրագործվի՝ տալիս է այն հանգամանքը, որ այսօրվա իրավիճակում մենք պետք է պատրաստ լինեն ամեն ինչի․ նախորդ տասնամյակներում, երբ որ այդ թմբիրից հետո հակառակորդը ռազմական որոշակի գործողություններ իրականացրեց, ինչը ցույց տվեց, որ մենք ամեն ժամանակ այդ վտանգից հեռու չենք, այսինքն սա կենսական անհրաժեշտության խնդիր է, բայց այստեղ շատ կարևոր է, որպեսզի այդ լավ գաղափարները, որոնք ներառված են ծրագրում ճիշտ գործիքակազմով կարողանանք արդյունավետ կերպով կյանքի կոչել և այն հեռահար նպատակը, որը դրված է այս ծրագրում դառնա վերջնական իրագործված։ Եթե գործիքակազմը ճիշտ չընտրվի, ապա կարող են այդ գաղափարները կամ կյանքի չկոչվել կամ ժամանակի ընթացքում մուտացիայի ենթարկվել և խեղաթյուրվել, ինչը կարող է վատ հետևանքներ ունենալ»։
Մանրամասները՝ տեսանյութում։
