Սպիտակ տան մամլո քարտուղարի տեղակալ Ռաջ Շահը հայտարարել է, որ ԱՄՆ նախագահ Դոնալդ Թրամփը հերքում է պոռնոդերասանուհի Սթորմի Դենիելսի (Սթեֆանի Քլիֆորդ) հայտարարությունները։ Դենիելսը հայտարարել էր, որ Թրամփն իրեն սպառնացել է՝ պահանջելով լռել իրենց կապի մասին, հաղորդում է BBC-ն։
«Ինչ վերաբերում է հարցազրույցին, ես կասեմ, որ նախագահը վճռականորեն, հստակ ու հետևողականորեն հերքում է այդ հայտարարությունները, և միակ մարդը, ով հակասական տեղեկություններ է տալիս, նա է, ով նման հայտարարություններով է հանդես գալիս»,-ասել է Շահը։
39-ամյա պոռնոդերասանուհի Սթորմի Դենիելսը CBS-ի հետ հարցազրույցում հայտարարել է, որ 2011-ին իրեն սպառնացել են, որպեսզի լռի Թրամփի հետ կապի մասին։
