«Յուրաքանչյուր քաղաքական միավոր կամ կազմակերպություն ինքն է որոշում իր պայքարի ձևերը: Սակայն անձնավորված պայքարին ես չեմ հավատում, որովհետև հավատում եմ համակարգային փոփոխություններին»,- ԱԺ-ում լրագրողների հետ կայացած ճեպազրույցում նշեց ՀՅԴ խմբակցության քարտուղար Աղվան Վարդանյանը:
Նրա խոսքով՝ երբ ընդունվեց նոր Սահմանադրությունը, արդեն ակնհայտ էր, որ վարչապետի թեկնածու առաջադրելու իրավունք է ունենալու խորհրդարանական կայուն մեծամասնությունը:
«Թող փորձեն, բայց ես Հայաստանում չեմ տեսնում ոչ միայն նման պայքարի արդյունավետության հիմքը, այլև ռեսուրսը»,- նկատեց Աղվան Վարդանյանը:
Լրագրողներից մեկի դիտարկմանը, թե՝ անձն է ստեղծել այդ համակարգը, ՀՅԴ խմբակցության քարտուղարը հակադարձեց. «Այդ համակարգի ստեղծման համար տարիների աշխատանք է կատարվել, և եթե դուք ամեն ինչ պայմանավորելու եք մեկ անձով, ուրեմն սխալվելու եք»:
Մանրամասները՝ տեսանյութում:
