Բեռլինում թոշակառուն, փորձելով դուրս գալ կայանատեղիից, վնասելէ 6 ավտոմեքենա, ինչպես նաև վնասվածքներ հասցրել կնոջը, որը փորձել է միջամտել կայանատեղիում կատարվածին: Այս մասին հայտնում է The Local-ը: Վարորդի ու նրա կնոջ անունները չեն հրապարակվում:
Ինչպես գրում է պարբերականը, 86-ամյա տղամարդը մեքենան դուրս բերելիս հարվածել է 3 մեքենայի, որոնք իրենց հերթին հարվածել են այլ մեքենաների: Նրա 79-ամյա կինը, տեսնելով դա, փորձել է բացել մեքենայի դուռը՝ հասկանալու, թե ինչ է կատարվում, ամուսինը սկսել է հետ շարժվել, ու կինը վայր է ընկել:
Ընկնելու հետևանքով վնասվել են տարեց կնոջ ձեռքերն ու ոտքերը: Շոկային վիճակում գտնվող վարորդը գլխով հարվածել է ապակուն: Ընտանեկան զույգը հոսպիտալացվել է:
Հայտնի չէ տղամարդու չկողմնորոշվելու պատճառը:
