Wikimedia Foundation ոչ կոմերցիոն կազմակերպությունը, որն ապահովում է WikiPedia-ի աշխատանքը, դատարանով սպառնացել է Wiki-PR ընկերությանը, որն առցանց խոշորագույն հանրագիտարանում կոմերցիոն խթանման ծառայություններ է մատուցում:
Համապատասխան ծանուցումն արդեն ուղարկվել է PR ընկերությանը: Այս մասին հայտնում է Ars Technica-ն:
Wiki-PR-ում պատվիրվող հոդվածի միջին արժեքը կազմում է 500-1000 դոլար:
Հիշեցնենք, որ մոտ մեկ ամիս առաջ WikiPedia-ն արդեն արգելափակել էր շուրջ 250 խմբագրական օգտահաշիվներ, որոնք իր աշխատանքում կիրառել է Wiki-PR-ը: Ըստ այդմ, կազմակերպությունն իր գործունեությունը չի դադարեցրել:
