Կանադական Վանկուվերի իշխանություններն արգելել են քաղաքում գտնվող ցանկացած տիպի նոր տներում դռների վրա բռնակներ տեղադրել: Դրանք ճանաչվել են չափազանց վտանգավոր և դժվար օգտագործվող:
Արգելքը, որն ուժի մեջ կմտնի 2014-ի մարտին, չի վերաբերի ավելի վաղ կառուցված տներին, սակայն նոր բնակարանների, գրասենյակների ու հասարակական շինությունների շինարարները հիմա պարտավոր են դռները հորիզոնական կտրվածքով տեղադրել:
Նման դռներից ավելի հեշտ է օգտվել հրդեհի և արտակարգ այլ դեպքերի ժամանակ, քանի որ կարիք չի լինի մտածել, թե որ կողմից է բացվում դուռը:
Ինչպես նշում է United Press International-ը, ապագայում այս տեխնոլոգիան հնարավոր է կիրառվի ողջ Կանադայում: Անհանգստություն հայտնել են միայն դռների բռնակների կոլեկցիոներները, ովքեր նշում են, որ հասկանում են, թե ինչու են նման դռները հարկավոր հասարակական շինություններում, բայց չեն հասկանում, թե ինչու է օրենքը նման դռներ պարտադրում մասնավոր բնակարաններին:
