Հայաստանի ներքաղաքական կյանքն ակտիվացման միտումներ է ցույց տալիս։ Ընդդիմությունը խոստանում է տաք պահել հատկապես Ազատության հրապարակը։ Չեն բացառվում նաև ակցիաներ մարզերում։ Այսօր, մասնավորաբար «Ելք» խմբակցությունը, հանդիպում է նախատեսում Ազատության հրապարակում՝ քաղաքացիական ակտիվիստների հետ կհանդիպի Նիկոլ Փաշինյանը։ Մինչ այդ հանդիպումը «Առաջին լրատվական»-ը զրուցեց պատգամավոր Նիկոլ Փաշինյանի հետ։
– Պարոն Փաշինյան, ի՞նչ է նախատեսվում Ազատության հրապարակում։
– Ազատության հրապարակում նախատեսվում է հանդիպում քաղաքացիական ակտիվի հետ։ Այդ հանդիպման գաղափարը նրանց մոտ էր ծագել, մենք ուղղակի տեղն ենք նշանակել, որ հանդիպենք։ Ես նույնիսկ չգիտեմ, թե ովքեր են գալու։
– Այսինքն՝ այս հանդիպումը նրանց նախաձեռնությունն է, Ձեր մտքով չի՞ անցել։
– Ըստ էության, այո։ Այնպես չի, որ իմ մտքով չի անցել, իմ մտքով միշտ էլ տարբեր հանդիպումներ անցնում են, բայց փաստն այն է՝ նրանք են առաջարկել, որ ես կազմակերպեմ, ոչ թե կազմակերպեմ, այլ ասեմ՝ որտեղ հանդիպենք և երբ։
Հարցազրույցն ամբողջությամբ՝ տեսանյութում։
