Բրիտանացի արքայազններ Վիլյամն ու Գարին իրենց սիրելիների՝ Քեմբրիջի դքսուհի Քեթրինի և Մեգան Մարքլի հետ փետրվարի 28-ին, Լոնդոնում մասնակցել են Royal Foundation Forum՝ թագավորական հիմնադրամի ֆորումին։ Նրանք չորսն էլ մասնակցել են «Միասին դեպի փոփոխություններ» քննարկմանը։
Իրենց առաջին, համատեղ հրապարակային միջոցառման համար արքայազնների ընտրյալները միևնույն գույների հագուստներ էին ընտրել՝ կապույտի երանգներով։ Երրորդ երեխայով հղի Քեյթն ընտրել էր երկնագույն դասական փակ, մինչև ծունկը երկարությամբ զգեստ, իսկ Գարիի հարսնացուն նախապատվությունը տվել էր օրիգինալ մուգ կապույտ շորին՝ բաց թևերով։
