Airbus ավիաշինական կոնցեռնն իրականացրել է ավիատաքսու փորձարկումներ։ Թռիչքը կայացել է ամերիկյան Օրեգոն նահանգում։ Ընկերությունը հրապարակել է առաջին թռիչքի տեսանյութը։
Vahana նախագծի մշակողները նախատիպին տվել են Alpha One անվանումը։ Մշակումն իրականացվել է կոնվերտոպլանի սխեմայով։ Այն հանդերձված կլինի խոչընդոտների հետ բախումից խուսափելու համակարգով։ Սարքի հզորությունը թույլ է տալիս հասնել ավելի քան 5 կմ բարձրության։ Առավելագույն արագությունը հայտնի չէ։
https://www.youtube.com/watch?v=gJrKmMM7vW0
Նախատեսվում է, որ աերոտաքսին կտեղափոխի մեկ մարդու, կամ բեռ։ Մշակումը կօգնի լուծել ճանապարհների ծանրաբեռնվածության խնդիրը։
Աերոտաքսու առաջին ծառայությունը կգործարկվի ԱՄԷ-ում, 5 տարվա ընթացքում։
