Սիրիայի Դեր Զոր նահանգում ԱՄՆ-ի գլխավորած միջազգային կոալիցիայի ավիահարվածի արդյունքում անցած շաբաթ զոհվել կամ վիրավորվել են մասնավոր ռազմական ընկերության մոտ 300 վարձկաններ։ Այս մասին հայտնում է Reuters-ը՝ հղում անելով իր աղբյուրներին։
Ռուս զինվորական բժիշկը հայտնել է, որ մոտ 100 մարդ է սպանվել, այլ աղբյուր, որը ծանոթ է եղել մի քանի մարտիկների, հայտարարել է, որ զոհերի թիվը գերազանցել է 80-ը։ Աղբյուրների հաղորդմամբ՝ վիրավորների թիվը կազմում է մոտ 200։
Ավելի վաղ հաղորդվել էր, որ փետրվարի 7-ին միջազգային ավիացիայի հասցրած ավիահարվածի հետևանքով Սիրիայում զոհվել են կառավարամետ ուժերի ավելի քան 100 մարտիկներ։ Հայտնի էր դարձել, որ Սիրիայում ոչնչացվել են ռուսական մասնավոր ռազմական «Վագներ» ընկերության վարձկաններ։
ՌԴ ԱԳՆ մամլո քարտուղար Մարիա Զախարովան խոստովանել է, որ մարտի շրջանում կարող են ՌԴ 5 քաղաքացիներ զոհված լինել, սակայն ընդգծել է, որ նրանք չեն եղել ռուս զինվորականներ։
Նա հայտարարել էր, որ մի քանի տասնյակ կամ հարյուրավոր զոհերի մասին հաղորդագրությունն ապատեղեկատվություն է։
