Ամերիկացիների մեկ երրորդը գտնում է, որ տեխնոլոգիական կազմակերպությունները չափազանց շատ ազատություն ունեն: Նրանք առաջարկում են հարկել այն կազմակերպություններին, որոնք ներդնում են ռոբոտների, արտասահմանյան աշխատակիցներ են վարձում և ապրանքներ են արտադրում արտասահմանում: Հարցմանը մասնակցել են Կալիֆորնիայի բնակիչները. հենց Կալիֆորնիայում է տեղակայված Սիլիկոնային հովիտը, որը ԱՄՆ-ի տեխնոլոգիաների էպիկենտրոնն է համարվում:
Հարցումը ցույց է տվել, որ կալիֆորնիացիները ավելի խիստ են սկսել գնահատել տեխնոլոգիաների ոլորտը: Այսպես, ամերիկացիների երկու երրորդը, ովքեր ապրում են Սիլիկոնային հովտում, գտնում են, որ տեխնոլոգիաների ոլորտը բավական կարգավորված չէ:
Մեծ մասը՝ 89% առաջարկում են օրենքներ մտցնել, որոնք ֆինանսական պատասխանատվություն կսահմանեն տվյալների արտահոսքի համար: Կալիֆորնիացիներին նաև մտահոգում է աշխատաշուկայում մրցակցությունը: Հարցվածների մեծ մասը առաջարկում են հարկել այն կազմակերպություններին, որոնք արտասահմանում արտադրություն ունեն: 66%-ը ցանկանում է կրճատել որակավորված աշխատողների քանակը այլ երկրներից: Եվս 66%-ն առաջարկում է ավտոմատացման հարկ մտցնել:
