Պահպանողական կուսակցության կենտրոնական խորհուրդը հայտարարություն է տարածել, որում մասնավորապես ասվում է.
«Այս ծիրում ենք դիտարկում նրանց կողմից Շանթ Հարությունյանի և նոյեմբերի 5-ի իրադարձությունների մյուս մասնակիցների կալանավորումը:
Շանթ Հարությունյանի և նրա զինակիցների նոյեմբերի 5-ի գործողությունը համարում ենք Հայաստանի Հանրապետության լիակատար ապագաղութացման պայքար և, որպես այդպիսին, ողջունում ենք այն:
Ըստ այդմ՝ հայտարարում ենք.
1. Շանթ Հարությունյանի և մյուս քաղկալանավորների անձերին ու նոյեմբերի 5-ի նրանց ազատագրական գործողությունն անվանարկող ցանկացած գնահատական կհամարենք Հայաստանի քաղաքացիներին ազգային իրական խնդիրներից շեղելու, ապակողմնորոշելու և քաղաքական գործընթացները լղոզելու ու խեղաթյուրելու գործակալական փորձ, որն իրենց կարող են թույլ տալ միայն Հայաստանում ներդրված օտարերկրյա հինգերորդ շարասյուները, որքան էլ ծպտվեն քաղաքական կազմակերպությունների անվամբ,
2. Հայաստանը Մաքսային Միություն մտցնելու որոշումը համարում ենք բիրտ պարտադրանքի և ռեալ այլընտրանքի բացակայության հետևանք, որը, վերջին հաշվով, դատապարտվելու է ձախողման,
3. 1920թ. դեկտեմբերի 2-ին՝ հայ ժողովրդի համար ստորացուցիչ և ողբերգական Ալեքսանդրապոլի պայմանագրի տարելիցի օրը Ռուսաստանի նախագահի՝ Հայաստան նախատեսվող այցի ժամկետը եթե չփոփոխվի, ապա մենք դա կհամարենք ՀՀ քաղաքացիների արժանապատվության և մեր պետականության նվաստացման վայրենի դեմարշ:
Ըստ այսմ՝ կոչ ենք անում.
1. Ազատ արձակել Շանթ Հարությունյանին և կալանավորված մյուս անձանց,
2. Մեր ազգային սգո օր դեկտեմբերի 2-ից մեկ այլ ժամանակահատված տեղափոխել ՌԴ նախագահի այցի ժամկետը»:
