2017 թվականի սեպտեմբերին Լեդի Գագային հոսպիտալացրել են անմիջապես համերգի ժամանակ։ Երգչուհին ստիպված է եղել հետաձգել նաև Եվրոպայի համերգները։ Պարզվում է, որ այս ամենի պատճառը ֆիբրոմիալգիա հիվանդությունն է, որով երգչուհին տառապում է արդեն մի քանի տարի։ Հիվանդության առաջացման պատճառները հայտնի չեն, սակայն հիվանդները ուժեղ ցավերի հետ են բախվում։ Չնայած այս ամենին, մի որոշ ժամանակ հետո երգչուհին բեմ է վերադարձել և հավատացրել իր երկրպագուներին, որ ամեն ինչ լավ է։ Սակայն օրերս իրավիճակը կրկնվել է. երգչուհին հազիվ է կարողացել ավարտին հասցնել համերգը Birmingham Arena մարզադաշտում։ Նրան նորից հոսպիտալացրել են։
«Ես այնքան հիասթափված եմ, որ խոսքեր չունեմ նկարագրելու իմ վիճակը։ Բուժող բժիշկս ինձ անկողնային ռեժիմ է նշանակել, և ես ստիպված եմ հետաձգել իմ տաս համերգները։ Ես այնքան էի երազում ելույթ ունենալ այն քաղաքներում, որտեղ նախատեսվում էին համերգները։ Լոնդոն, Մանչեստեր, Ցյուրիխ, Քյոլն, Ստոկհոլմ, Կոպենհագեն, Փարիզ, Բեռլին, Ռիո՝ խոստանում եմ ձեզ ես դեռ կվերադառնամ։ Սիրում եմ բոլորիդ»,– իր երկրպագուներին է դիմել երգչուհին։
