Դերասանուհի Ումա Թուրմանը Նյու Յորքում բռնաբարվել Է, երբ 16 տարեկան Էր: Այդ մասին նա պատմել Է The New York Times-ին տված հարցազրույցում: Այն ժամանակ նա ապրում Էր Մանհեթենի շրջանում եւ նոր Էր սկսել իր կարիերան կինոյում: Նրա խոսքով՝ ձմռանն ինքը գնացել Էր ակումբ եւ ծանոթացել 20-ամյա մի դերասանի հետ:
Թուրմանը հայտարարել Է, որ տղամարդն իրեն սեքսի Է հարկադրել, երբ իրենք գնացել են նրա տուն՝ խմելու: «Ես չափից դուրս հնազանդ Էի: Ես փորձում Էի ոչ ասել, ես լաց Էի լինում, ես անում Էի այն ամենը, ինչ կարող Էի: Նա ինձ ասաց, որ դուռը փակ Է, բայց ես չվազեցի դեպի դուռը եւ չփորձեցի այն բացել: Երբ վերադարձա տուն, հիշում եմ, թե ինչպես Էի կանգնել հայելու առաջ. նայում Էի ձեռքերիս ու զայրանում, որ դրանք արյան եւ կտրված վերքերի մեջ չեն»,-պատմել Է Թուրմանը:
Թուրմանը նաեւ պատմել Է պրոդյուսեր Հարվի Վայնշտեյնի կողմից սեռական ոտնձգությունների մասին: Ումա Թուրմանը նկարահանվել Է այնպիսի ֆիլմերում, ինչպիսիք են «Քրեական ընթերցվածք», «Սպանել Բիլլին» եւ «Սպանել Բիլլին 2» ժապավեննեը, որոնց պրոդյուսերը Վայնշտեյնն Էր:
