«Պետություն հանուն մարդու իրավունքների» ՀԿ-ն և ԱԻՄ-ը հանրապետության ողջ տարածքով իրականացնում են հարցումներ՝ ՀՀ քաղաքացիները ցանկանում են, որ Հայաստանը միանա Մաքսային միությանը, թե՞ Եվրամիությանը: ԱԻՄ առաջնորդ Պարույր Հայրիկյանը մեզ հետ զրույցում ասաց, որ հարցումներն իրականացվում են ՀՀ ողջ տարածքում, իսկ այս պահին արդեն կան երեք մարզերում՝ Արագածոտնում, Կոտայքում և Արարատում իրականացված հարցումների նախնական արդյունքները:
Ըստ դրանց՝ ՀՀ բնակչության միայն 20 տոկոսն է ուզում մտնել Մաքսային միություն: «Մեր ժողովրդի մեծամասնությունը չի ուզում մտնել Մաքսային միություն: Խոսել Մաքսային միության մասին՝ նշանակում է դեմ գնալ ժողովրդի մեծամասնությանը»,- ասաց Պ. Հայրիկյանը:
Նա հավելեց, որ բոլոր նրանք, ովքեր ասում են, թե Մաքսային միությունը տնտեսական առումով է շահավետ, ապա ԵՄ-ն մի քանի անգամ մեծ է իր տնտեսական չափերով: Բացի այդ, Պուտինը խոսել է Ռուսական կայսրությունը վերստեղծելու մասին և նշել, որ ափսոսում է 70 տարի խորհրդային կոչվելու համար:
Մանրամասները դիտեք տեսանյութում:
