Ռուսաստանի Դաշնության Պետական Դումայում անցյալ շաբաթ կայացել է կլոր սեղան-քննարկում «Ֆաշիզմի հերոսացման և նեոնացիզմի վերածնման դեմ պայքարի, օրենսդրական ասպեկտներ» թեմայով։ Այս մասին հաղորդում է «Ռուսարմինֆո»-ն։ Միջոցառմանը մասնակցել են Պետդումայի պատգամավորներ, քաղաքագետներ ու ԶԼՄ-ների ներկայացուցիչներ։
«Կլոր սեղան»-ի ընթացքում քաղաքագետ Սերգեյ Մարկովը նշել է, որ Հայաստանը այն երկրների թվում է, որտեղ այսօր, կան ֆաշիզմի հանցակիցների արձաններ՝ չնայած որ Հայաստանը Ռուսաստանի դաշնակիցն է։
Միջոցառմանը խոսվել է նաև ֆաշիզմի հերոսացման դեմ պայքարի ստորագրահավաքի մասին։ Արդեն հավաքվել է 200 000 ստորագրություն։ Միջոցառման մասնակիցները մատնանշել են, որ դրանում կա նաև Երևանում գտնվող Գարեգին Նժդեհի հուշարձանի հանման հատուկ պահանջ։