Սիրիայի Քրդական ինքնապաշտպանական ուժերը (YPG) Աֆրինում կարողացել են հետ շպրտել թուրքամետ ուժերի հարձակումը, ինչի հետևանքով սպանվել է 83 զինյալ: Այս մասին ռուսական «ՌԻԱ Նովոստի»-ին հայտնել է YPG հրամանատարության ներկայացուցիչը:
«Թուրքամետ զինյալները հարձակվել են Այն-Դակնե և Բելուլե բնակավայրերի վրա, սակայն այնտեղ արդեն նրանց սպասում էին YPG և YPJ (կանանց աշխարհազորը- խմբ.) զինյալները: Կատաղի մարտերի արդյունքում ոչնչացվել է 83 զինյալ: 66 զինյալի մարմինն ու ռազմավարը քրդական ուժերի ձեռքում է»,- ասել է նա:
Ի հավաստիացումն այս հայտարարության՝ քուրդ աշխարհազորայինները տարածել են մահացածների մարմինները ի ցույց դնող տեսագրություններ: Սեփական կորուստների մասին YPG-ն որևէ տվյալ չի հաղորդել:
