Նոյեմբերի 5-ին Հունաստանում խոշոր գողական հավաք է կայացել՝ ազդեցիկ «օրենքով գող» Գոգի Չիկովանիի մահվան քառասունքի առիթով: Այս մասին հայտնի է դարձել Prime Crime գործակալությանը: Գողական կլանների միջև հակամարտությանը վերջակետ դնել չհասցրած Գոգիի հիշատակի միջոցառումը կարող էր հիանալի առիթ լինել կողմերի հաշտեցման համար, եթե կռվով չավարտվեր:
Միջոցառումը կազմակերպվել էր «հույն» գողերի ջանքերով, ովքեր մոտ են Լաշա Շուշանաշվիլիին և Դատո Սեբիսկվերաձեին, որոնք, ինչպես հայտնի է, պատկանում են Դեդ Հասանի կլանին կամ առնվազն համակրում են: Հավաքին միացել էր նաև չեզոքություն պահպանող Էդիկ Օսետրինան, որի չեզոք դիրքորոշումն էլ դարձել է կռվի բորբոքման գլխավոր պատճառ:
Էդիկի «պոչին նստել է» Կախա Ջանգվելաձեն (Շալվովիչ)՝ բարձր և ոչ պատշաճ կերպով ակնարկելով նրա կապը Մերաբ Ջանգվելաձեի հետ: Շալվովիչի վարքը Էդիկն անտեսել չէր կարող: Կարճ լեզվակռվից հետո նրանք գործի են դրել բռունցքները: Հաշվի առնելով քաշային կատեգորիան՝ հաղթել է երիտասարդությունը: Ներկաների մեծ մասը հավանություն չեն տվել Կախայի վարքին:
Չար լեզուները հայտնում են, որ Էդիկին կռվի դրդելու հարցում Շալվովիչին ստիպել է Շուշանաշվիլին, որը, ըստ շշուկների, սպառնացել է նրա բազմանդամ ընտանիքին վտարել իր կողմից վճարվող բնակարանից:
