Կառավարության վաղը կայանալիք նիստի օրակարգում ներկայացված է Կրթության և գիտության նախարար Լևոն Մկրտչյանի ներկայացրած նախագիծը, որով առաջարկվում է «Զինվորական ծառայության և զինծառայողի կարգավիճակի մասին» օրենքում լրացում կատարել։
Հիշեցնենք, որ այս օրենքում կատարված աղմկահարույց փոփոխությունները վերջերս քննարկվեցին և ընդունվեցի Ազգային ժողովի կողմից, որը ավելի ուշ ստորագրվեց Սերժ Սարգսյանի կողմից։
Հիմա ԿԳ նախարարը առաջարկում է լրացում կատարել օրենքում։ Մասնավորապես հաշվի առնելով «Իրավական ակտերի մասին» Հայաստանի Հանրապետության օրենքի պահանջները, առաջարկում է «Զինվորական ծառայության և զինծառայողի կարգավիճակի մասին Հայաստանի Հանրապետության օրենքում լրացում կատարելու մասին» Հայաստանի Հանրապետության օրենքի նախագծի 1-ին հոդվածի 2-րդ ենթակետը հանել:
Այդ ենթակետով սահմանվում է «Զինվորական ծառայության և զինծառայողի կարգավիճակի մասին» Հայաստանի Հանրապետության 2017 թվականի նոյեմբերի 15-ի ՀՕ-195-Ն օրենքի 22-րդ հոդվածի 3-րդ մասի 2-րդ կետում «Հայաստանի Հանրապետությունում» բառերից հետո լրացնել «կամ օտարերկրյա պետություններում» բառերը։
Նախագծով առաջարկվում է կարգավորել հանրակրթական, ինչպես նաև հիմնական կրթության հիմքի վրա առանց ընդհատման նախանական (արհեստագործական) կրթական ծրագ¬րերով սովորողներին պարտադիր զինվորական ծառայության զորակոչից տարկետում տալու հետ կապված հարաբերությունները:
