Նախագահական աթոռը զբաղեցնելու մեկ տարվա ընթացքում Դոնալդ Թրամփը 2140 սուտ կամ մոլորեցնող հայտարարություն է արել։
Այս հաշվարկները իրականացվել են The Washington Post–ի Fact Checker նախագծի շրջանակներում։ Այն վերլուծում, դասակարգում և հսկում է նախագահի բոլոր կասկածելի մեկնաբանությունները։
Պարբերականը սկսել էր այս նախագիծը նախագահության 100 օրերը լուսաբանելու համար, սակայն այն այնպես է դուր եկել ընթերցողներին, որ նրանք որոշել են կանգ չառնել։ Այսպիսով, երդմնակալությունից հետո, Թրամփը օրական միջինում 5,9 կասկածելի միտք է արտահայտել։
The Post –ն ընդգծում է, որ սա Թրամփին ինչ որ տեղ յուրահատուկ է դարձնում մյուս նախագահների շարքում։ Շատ բարձրաստիճան պաշտոնյաներ հրաժարվում են իրենց սուտ արտահայտություններից, երբ դրանք կեղծ են ճանաչվում, բայց Թրամփը նորից ու նորից է կրկնում միևնույն միտքը։
Վերլուծաբանների հաշվարկով՝ միայն 56 օր է եղել, երբ որևէ միտք չի ֆիքսվել, այդ օրերին նախագահը գոլֆ է խաղացել։
Թրամփի կասկածելի մտքերի մեծ մասը կապված են եղել Obamacare-ի հետ (61 անգամ), հարկերի իջեցման հետ՝ (57 անգամ) և Ռուսաստանի հնարավոր ընդգրկվածության հետ 2016 թվականի ընտրական գործընթացին (44 անգամ)։
