Քաղաքական վերլուծաբան Արծրուն Պեպանյանը կարծում է, որ հասարակության բողոքավոր հատվածը, ընդդիմությունը զբաղված է համազգային ինքնավնասմամբ, ըստ նրա՝ քաղաքականությունից հասկացող բողոքական շերտը մի կողմ կդներ հույզերը և կջանար օգտվել նրանից , որ ՀՀԿ-ն որպես նախագահի թեկնածու առաջարկել է դեսպան Արմեն Սարգսյանի թեկնածությունը։ Արծրուն Պեպանյանը «Առաջին լրատվական»-ի հետ զրույցում ընդգծեց, որ երբ Արմեն Սարգսյանը վարչապետ էր, ես ոչ պաշտոնապես աշխատել եմ նրա հետ, իրեն ներկայացրել եմ քաղաքական դաշտի, ներիշխանական խմորումների մասին վերլուծություններ, կանխատեսել եմ դրանց հնարավոր զարգացումները, և կանխատեսումներս իրականացել են հարյուր տոկոսով։
Արծրուն Պեպանյանի կարծիքով՝ Արմեն Սարգսյանը իշխանական համակարգի վերնախավից էականորեն տարբերվում է իր հատկանիշներով։
Արծրուն Պեպանյանի դիտարկմամբ, որքան էլ սահմանադրությամբ նախագահի պաշտոնը երկրորդվի, բայց անձը նշանակություն ունի, քանի որ մեր երկրում օրենքները չեն գործում անձը իր հեղինակությամբ կարող է իրեն վերագրել որոշակի ֆունկցիաներ։
«Մենք ունեցել ենք սուպեր նախարարներ, ովքեր համարյա եղել են կես նախագահ, ինչ-որ տեղ՝ նախագահ։ Վանո Սիրադեղյանի օրինակը բերեմ իրեն ուր էլ դու նշանակեիր անգամ Հայաստանի հավաքարարների միության նախագահ, ինքը կունենար ՀՀ նախագահի կեսի չափ լիազորություններ։ Մարդն ուներ այդ ներքին էներգիան, շարմը, ուժը, կարողանում էր ինքն իր համար ապահովել այդ ֆունկցիաները»։
Անդրադառնալով Արմեն Սարգսյանի հրաժարականի պատմությանը Արծրուն Պեպանյանը ասաց․ «Մտահոգ վարչապետ էր ցանկություն ուներ երկրում փոփոխություններ կատարել , եկել էր Եվրոպական երկրից, մենք կիասավայրագ վիճակում էինք, թե ներիշխանական համակարգը, թե հասարակական հարաբերությունների մասով ։ Ինքը փոխելու մտադրություն ուներ։ Կիսավայրագ համակարգը նրան չընդունեց»։
Մանրամասները՝տեսանյութում
