Չորեքշաբթի Երուսաղեմի համաշխարհային դատարանը կհրապարակի վճիռ՝ Իսրայելի նախկին արտգործնախարար Ավիգդոր Լիբերմանի գործով: Վճիռը կարող է քաղաքական գործչին վերադարձնել կառավարություն կամ ընդհատել նրա բազմամյա կարիերան:
Դատալսումների ընթացքում դատախազությունը փորձել է ապացուցել, որ ծագումով Մոլդովայից քաղաքական գործիչը չարաշահել է հասարակական վստահությունը՝ աջակցելով Բելառուսում նախկին դեսպան Զեևա Բեն Արյեի կարիերայի վերելքին այն բանից հետո, երբ վերջինս Լիբերմանին ներկայացրել է կոռուպցիայի մասին իր գործի հետաքննության նյութերը, որն ավելի ուշ փակվել է ոչ բավարար հանցանշանների պատճառով: Լիբերմանը պնդում է, որ ինքն անմեղ է:
Եթե դատարանն արդարացնող վճիռ կայացնի, Լիբերմանը պատրաստվում է զբաղեցնել արտգործնախարարի պաշտոնը, ինչը նրան խոստացել էր Բենիամին Նեթանյահուն դեռևս մինչև հունվար կայացած խորհրդարանական ընտրությունները: Եթե դատարանը նրան մեղավոր ճանաչի, Լիբերմանը ստիպված կլինի հանձնել Կնեսետի պատգամավորի մանդատը և զրկվել հասարակական-քաղաքական գործունեությամբ զբաղվելու իրավունքից:
