Իրանի ԱԳՆ ղեկավար Ջավադ Զարիֆը հայտարարել է՝ Եվրամիության երեք երկրների ներկայացուցիչների հետ իրանական միջուկային ծրագրի քննարկման համար խորհրդակցական նիստ անցկացնելու մտադրության մասին,– հաղորդում է IRNA գործակալությունը։ Հանդիպման անցկացման վայրն ու ամսաթիվը դեռ հայտնի չեն։
Իրանցի նախարարի խոսքերով՝ հանդիպումը նվիրված կլինի «միջուկային գործարքի նկատմամբ ԱՄՆ–ի դեստրուկտիվ քաղաքականությանը»։ Հանդիպմանը ներկա են լինելու Մեծ Բրիտանիայի, Գերմանիայի և Ֆրանսիայի ներկայացուցիչները։
Ավելի վաղ, ԱՄՆ նախաձեռնությամբ, տեղի էր ունեցել ՄԱԿ–ի՝ Իրանի հարցով Անվտանգության Խորհրդի նիստ։ ՄԱԿ–ում Ռուսաստանի մշտական ներկայացուցիչ Վասիլի Նեբենզյան հայտարարել էր, որ նիստի անցկացման պատճառ է հանդիսացել միջուկային գործարքի վիժեցումը։
