Ծագումով հայ գեղեցկուհիները նվաճում են սոցցանցերը, գրում է Life պորտալը։ Նրանք ամենևին չեն պատճենում Քիմ Քարդաշյանի ոճը։
Յոհանա Ռիվա Կարապետյան (27տ.), 49.8 հազար բաժանորդ
Յոհանան ծագումով հայ, ուրուգվայցի մոդել է։ 2014 թվականին նա նվաճել է «Միսս Ուրուգվայ» տիտղոսը։ Նույն տարում աղջիկը ներկայացրել է Ուրուգվայը «Միսս Տիեզերք» մրցույթում։
Լուսինե Թովմասյան (31 տ.), 59.1 հազար բաժանորդ
Լուսինեն ծնվել ու մեծացել է Երևանում։ Ընդունվել է Ռուս-հայկական պետական համալսարան և 17 տարեկանում հաղթել «Միսս Հայաստան» մրցույթում։ 2005 թվականին նա երկրորդ տեղն է զբաղեցրել «Միսս Եվրոպա» մրցույթում։
Արևիկ Ոսկանյան (20տ.), 103 հազար բաժանորդ
Նա 16 տարեկանում հաղթել է «Ղրիմի գեղեցկուհի-2013» մրցույթում։ 10 տարի զբաղվել է խորեոգրաֆիայով և էստրադային վոկալով։ Վերջերս սեփական խանութն է բացել Սիմֆերոպոլում։
Անահիտ Սիմոնյան (30տ), 116 հազար բաժանորդ
2006 թվականին Անահիտը թողարկել է իր առաջին՝ «Հայաստան» տեսահոլովակը, իսկ 2 տարի անց մասնակցել Սարգիս Մնոյանի հետ «Երկու աստղ» նախագծում՝ զբաղեցնելով 2-րդ տեղը։
Իվետա Մուկուչյան (31տ.), 134 հազար բաժանորդ
Իվետա Մուկուչյանը մասնակցել է The Voice of Germany շոուի երկրորդ եթերաշրջանին։ 2012 թվականի դեկտեմբերին El-Style ամսագիրը նրան անվանել է Հայաստանի ամենասեքսուալ կինը։ 2016 թվականին Իվետան ներկայացրել է Հայաստանը «Եվրատեսիլ» երգի մրցույթում, որն անցկացվել է Ստոկհոլմում։
Նազենի Հովհաննիսյան (35 տ.), 223 հազար բաժանորդ
Հանրահայտ հայ դերասանուհի, հեռուստահաղորդավարուհի և մոդել Նազենի Հովհաննիսյանն ավարտել է Երևանի թատոնի և կինոյի ինստիտուտը։ 2012 թվականից աշխատել է «Արմենիա» հեռուստաալիքում։ Նրա «Երջանկության մեխանիկա» ծրագիրը եղել է հայկական հեռուստատեսությունում ամենավարկանշայինը։
Դերասանուհի և երգչուհի Արփինե Գաբրիելյան (27 տ), 224 հազար բաժանորդ
Դերասանուհի, երգչուհի և հեռուստահաղորդավարուհի Արփինե Գաբրիելյանն իր առաջին տեսահոլովակը թողարկել է 2015 թվականին։ Նրան առավել հաճախ ճանաչում են կատակերգական Full House սերիալում Լիկայի դերով։
