2016 թ.-ի ընթացքում ՀՀ ԱՆ ՔԿՀ-ների դիտորդական խմբի անդամների կողմից կատարվել են 94 այցելություններ։ Այդ այցելությունների ընթացքում խումբը արձանագրել է մի շարք խնդիրներ։ Խնդիրների 48,3 տոկոսը վերաբերում է առողջապահությանը, 9,6 տոկոսը՝ քրեական գործերի ընթացքին, 5,6 տոկոսը՝ հացադուլ հայտարարելուն, 6,2 տոկոսը՝ պահման անբավարար պայմաններին, 3,9 տոկոսը՝ անկախ հանձնաժողովի որոշումներին, ինքնավնասման դեպքերին, որոշակի տոկոս են կազմել նաև անվտանգությանը վերաբերող խնդիրները։
Դիտորդական խմբի ղեկավար Արայիկ Զալյանի խոսքով՝ առաջնային է համարվում ՔԿՀ-ներում առողջության խնդիրը։ Դեղերի, բուժծառայությունների որակը շատ ցածր է, և առ այսօր դատապարտյալների հարազատներն են դեղորայք մատակարարում իրենց դատապարտյալներին։ Շարունակվում են առաջնային մնալ ՔԿՀ-ների գերբեռնվածությունը, սննդի խնդիրը, կոռուպցիան։
Առավել մանրամասն՝ տեսանյութում:
