Դեթրոյթում, որը անցած ամռանը դատարան հայց էր ներկայացրել քաղաքը սնանկ ճանաչելու մասին, 98 տարվա մեջ առաջին անգամ չեղյալ է հայտարարվել շների ամերիկյան ամենահեղինակավոր ցուցահանդեսը՝ Detroit Kennel Club Dog Show-ն:
Ինչպես հայտարարել են շոուի կազմակերպիչները՝ պատճառը ֆինանսավորման բացակայությունն է: Purina ընկերությունը՝ աշխարհում տնային կենդանիների կերերի խոշորագույն արտադրողը, դեռ մի քանի տարի առաջ հրաժարվել է ֆինանսավորել ցուցադրությունը, իսկ այս տարի այլ խոշոր հովանավորների չի հաջողվել գտնել:
Միջոցառումը նախատեսված էր 2014թ. մարտին՝ հայտնում է ITAR-TASS-ը:
Detroit Kennel Club Dog Show-ին սովորաբար մասնակցում է ավելի քան 2 հազար շուն՝ աշխարհի տարբեր ծայրերից: Ամեն տարի ցուցահանդեսը դիտում է մոտ 25 հազար մարդ: