Թինա Կանդելակիին վրացական հեռուստահաղորդման ժամանակ ուղիղ եթերով վիրավորել են: Հոկտեմբերի 2-ին նա մասնակցել է Էկա Խոպերիայի «Ազատ թեմա» թոք շոուին, հայտնում է «Գրուզիա օնլայնը»:
Տեսակամուրջի ժամանակ հեռուստահաղորդավարուհին չի թաքցրել իր անհանդուրժողական վերաբերմունքը Վրաստանի նախագահ Միխեիլ Սաակաշվիլիի հանդեպ ու խոսել է ՌԴ նախագահ Վլադիմիր Պուտինի հանդեպ «մեծ սիրո» մասին:
Կանդելակին ցանկություն է հայտնել օգնել Իվանիշվիլիին Ռուսաստանի հետ հարաբերությունների կարգավորման հարցում:
«Ես պատրաստ եմ օգնել վրացական ղեկավարությանը՝ որպես լրագրող, որպես հասարակական գործիչ ռուս-վրացական հարաբերությունների կարգավորման համար: Ես պատրաստ եմ այդ գործին կցվել ցանկացած ձևաչափով: Սաակաշվիլին ինձ դուր չեկավ դեռ հենց առաջին հանդիպմանը, իսկ ահա Պուտինի կողմնակիցը ես միշտ եղել եմ ու լինելու եմ»,- ասել է Կանդելակին:
Տաղավարում գտնվող մարդկանց դուր չի եկել Կանդելակիի հայտարարությունը և մեծ վրդովմունք է առաջացրել: Լրագրողներից մեկն անգամ նրան «քաղաքական մարմնավաճառ» է անվանել: