Վերջին ուսումնասիրությունները պարզել են նոր մեթոդներ, որոնցով կարելի պայքարել մոծակների դեմ, հատկապես ամռան այս եղանակին, երբ այդ միջատների թիվը կտրուկ աճում է:
MSNBC հեռուստաալիքի բլոգում հրապարակված ուսումնասիրության արդյունքում պարզվել է, որ անհրաժեշտ է կրել թեթև զգեստ, որպեսզի հնարավոր լինի մեղմացնել կծածից հետո առաջացած քորը: Գիտնականներն ասում են, որ մոծակները սկզբից ընտրում են իրենց զոհին գույնով, ապա նոր հոտով: Այնպես որ, մուգ շորերը կարող են ուշադրություն գրավել, և ձեզ դարձնել մոծակի հեշտ թիրախ:
Բացի այդ, այս ուսումնասիրությունը պարզել է, որ մոծակներն ավելի հակված են կծել նրանց, ովքեր գարեջուր են խմում: Սակայն այս երևույթի պատճառները դեռ վերջնականապես պարզված չեն: Ուսումնասիրությունները նաև ցույց են տվել, որ նրանք, ովքեր խնդիրներ ունեն նյութափոխանակության հետ, նույնպես մոծակի ցանկալի և հեշտ հասանելի թիրախներ են, քանի որ այդ դեպքում ավելի շատ ածխաթթվի երկօքսիդ է արտադրվում, ինչը գրավում է «սիրված» միջատի ուշադրությունը:
