Կենտրոնական Չինաստանում 2013 թ. զգալի մեծացել է բոռերի կծելու հետևանքով մահացածների թիվը:
Ինչպես հայտնում է Associated Press-ը, վերջին ամիսներին Շանսի նահանգում բժիշկներին է դիմել ավելի քան 100 մարդ, որոնց կծել են բոռերը: Նրանցից 18-ի կյանքը չի հաջողվել փրկել:
Ընդ որում՝ տեղի մամուլը ներկայացնում է զոհվածների այլ թիվ՝ 21:
Տարածաշրջանում բոռերի խայթոցից մահվան դեպքեր նախկինում ևս գրանցվել են, սակայն սովորաբար դրանք պատահում էին տարեկան մի քանի անգամ:
Տեղի իշխանությունների հաղորդմամբ՝ սովորաբար բոռերը հարձակվում են անտառային տեղանքում, սական 2013-ին սկսել են հանդիպել նաև բնակելի վայրերում:
Մասնագետների գնահատականներով՝ արևելաասիական բոռերն անհամեմատ խոշոր են եվրոպականներից ու նրանց թույնն առավել տոքսիկ է:
